Couplet-0435

குறள் எண் Couplet No	பால்	இயல்	அதிகாரம் Chapter
0435	பொருள்	அரசியல்	குற்றம் கடிதல் Avoid Blemishes

வருமுன்னர்க் காவாதான் வாழ்க்கை எரிமுன்னர்      
வைத்தூறு போலக் கெடும் 
                                 
வரு முன்னர்க் காவாதான் வாழ்க்கை எரி முன்னர்
வைத் தூறு போலக் கெடும்.

பரிமேலழகர் உரை:

வரு முன்னர்க் காவாதான் வாழ்க்கை= குற்றம் வரக் கடவதாகின்ற முற்காலத்திலே அதனைக் காவாத அரசன் வாழ்க்கை; எரிமுன்னர் வைத்தூறு போலக் கெடும்= அது வந்தால் எரி முகத்து நின்ற வைக்குவை போல அழிந்துவிடும்.

விளக்கம்:

'குற்றம்' என்பது அதிகாரத்தான் வந்தது. 'முன்னர்' என்றதன் ஈற்றது பகுதிப்பொருள் விகுதி. 'வரும்' என்னும் பெயரெச்சம் 'முன்னர்' என்னும் காலப்பெயர் கொண்டது; அதனாற் காக்கலாங் காலம் பெறப்பட்டது. குற்றம் சிறிதாயினும் அதனாற் பெரிய செல்வம் அழிந்தே விடும் என்பது உவமையாற் பெற்றாம்.