Couplet – 0280

குறள் எண் Couplet No	பால்	இயல்	அதிகாரம் Chapter
0280	அறம்	துறவறம்	கூடாவொழுக்கம் Undesirable Conduct

மழித்தலு நீட்டலும் வேண்டா வுலகம்
பழித்த தொழித்து விடின்  

மழித்தலும் நீட்டலும் வேண்டா உலகம்
பழித்தது ஒழித்து விடின்.

பரிமேலழகர் உரை  

மழிததலும் நீட்டலும் வேண்டா= தவஞ் செய்வார்க்குத் தலைமயிரை மழித்தலுஞ் சடையாக்கலுமாகிய வேடமும் வேண்டா; உலகம் பழித்தது ஒழித்து விடின்= உயர்ந்தோர் தவத்திற்கு ஆகாது என்று குற்றங் கூறிய ஒழுக்கத்தைக் கடிந்துவிடின்.

பரிமேலழகர் உரை விளக்கம்

பறித்தலும் மழித்தலுள் அடங்கும். 'மழித்தல்' என்பதே தலைமயிரை உணர்த்தலின், அது கூறாராயினார்.
இதனாற் கூடாவொழுக்கம் இல்லாதார்க்கு 'வேடமும் வேண்டா' என அவரது சிறப்புக் கூறப்பட்டது.