Couplet-0048

குறள் எண் Couplet No	பால்	இயல்	அதிகாரம்-Chapter Domestic Life
0048	அறம்	இல்லறம்	இல்வாழ்க்கை

ஆற்றின் ஒழுக்கி அறனிழுக்கா இல்வாழ்க்கை
நோற்பாரின் நோன்மை உடைத்து.

ஆற்றின் ஒழுக்கி அறன் இழுக்கா இல் வாழ்க்கை
நோற்பாரின் நோன்மை உடைத்து.

Aatrin Ozhukki Aranizhukkaa Ilvaazhkkai
Norpaarin Nonmai Utaiththu.

பரிமேலழகர் உரை:

(இதன்பொருள்) ஆற்றின் ஒழுக்கி அறன் இழுக்கா இல்வாழ்க்கை = (தவஞ்செய்வாரையுந் தத்தம்) நெறிக்கண் ஒழுகப்பண்ணித் (தானுந் தன்) அறத்திற் றவறாத இல்வாழ்க்கை;
நோற்பாரின் நோன்மை உடைத்து = அத்தவஞ்செய்வார் நிலையினும் பொறை யுடைத்து.

பரிமேலழகர் உரை விளக்கம்

பசிமுதலிய விடையூறு நீக்கலின், 'ஆற்றினொழுக்கி' யென்றார்.
'நோற்பா' ரென்பது ஆகுபெயர்.
நோற்பார் நிலைக்கு அவர்தம்மை யுற்ற நோயல்லது இல்வாழ்வார் நிலைபோற் பிறரையுற்ற நோயும் பொறுத்தலின்மையின், 'நோற்பாரின் நோன்மை யுடைத்து’ என்றார்.

The householder who, not swerving from virtue, helps the ascetic in his way, endures more than those who endure penance.