குறள் எண் Couplet No | பால் | இயல் | அதிகாரம் Chapter |
0365 | அறம் | துறவறம் | அவாவறுத்தல் Giving up Desires |
அற்றவர் என்பார் அவாஅற்றார் மற்றையர்
அற்றாக அற்றது இலர்.
அற்றவர் என்பார் அவா அற்றார் மற்றையர்
அற்றாக அற்றது இலர்.
பரிமேலழகர் உரை
அற்றவர் என்பார் அவா அற்றார்= பிறவி அற்றவர் என்று சொல்லப்படுவார் அதற்கு நேரே ஏதுவாகிய அவா அற்றவர்கள்; மற்றையார் அற்றாக அற்றது இலர்= பிற ஏதுக்கள் அற்று அஃது ஒன்றும் அறாதவர்கள், அவற்றால் சில துன்பங்கள் அற்றதல்லது அவர்போல் பிறவியற்றிலர்.
விளக்கம்
இதனால் அவாவறுத்தாரது சிறப்பு விதிமுகத்தானும், எதிர்மறை முகத்தானும் கூறப்பட்டது.