குறள் எண் Couplet No | பால் | இயல் | அதிகாரம் Chapter |
0239 | அறம் | இல்லறம் | புகழ் Good Reputation |
வசையிலா வண்பயன் குன்று மிசையிலா யாக்கை பொறுத்த நிலம் வசை இலா வண் பயன் குன்றும் இசை இலா யாக்கை பொறுத்த நிலம். பரிமேலழகர் உரை இசை இலா யாக்கை பொறுத்த நிலம்= புகழ் இல்லாத உடம்பைச் சுமந்த நிலம்; வசை இலா வண் பயன் குன்றும்= பழிப்பு இல்லாத வளப்பத்தை உடைய விளையுள் குன்றும். பரிமேலழகர் உரைவிளக்கம் உயிர் உண்டாயினும் அதனாற் பயன் கொள்ளாமையின், 'யாக்கை' எனவும், அது நிலத்திற்குப் பொறையாகலின், 'பொறுத்த' எனவும் கூறினார். விளையுள் குன்றுதற்கு ஏது, பாவ யாக்கையைப் பொறுக்கின்ற வெறுப்பு. 'குன்றும்' என இடத்து நிகழ்பொருளின் தொழில் இடத்தின்மேல் நின்றது. இவை நான்கு பாட்டானும், புகழ் இல்லாரது தாழ்வு கூறப்பட்டது.