Couplet-0302

குறள் எண் Couplet No	பால்	இயல்	அதிகாரம் Chapter
0302	அறம்	துறவறம்	வெகுளாமை Restraining Anger

செல்லா இடத்துச் சினந்தீது செல்லிடத்தும்
இல்அதனின் தீய பிற  

செல்லா இடத்துச் சினம் தீது செல் இடத்தும்
இல் அதனின் தீய பிற 

பரிமேலழகர் உரை 

சினம் செல்லா இடத்துத் தீது= ஒருவன் வெகுளி தன்னின் வலியார்மேல் எழின் தனக்கே தீதாம்; செல் இடத்தும் அதனின் தீய பிற இல்= மற்றை எளியார்மேல் எழினும் அதனின் தீயன பிற இல்லை.

உரை விளக்கம்

'செல்லாஇடத்துச் சினம்' பயப்பது இம்மைக்கண் அவரான் வரும் ஏதமே; ஏனையது, இம்மைக்கண் பழியும் மறுமைக்கண் பாவமும் பயத்தலின் அதனின் தீயன 'பிறஇல்லை' என்றார். ஓரிடத்தும் ஆகாது என்பதாம்.