Couplet-0342

குறள் எண் Couplet No	பால்	இயல்	அதிகாரம் Chapter
0342	அறம்	துறவறம்	துறவு Renunciation

வேண்டின் உண்டாகத் துறக்க துறந்தபின்

ஈண்டு இயற்பால பல

வேண்டின் உண்டாகத் துறக்க துறந்த பின்

ஈண்டு இயற்பால பல


பரிமேலழகர் உரை 


துறந்தபின் ஈண்டு இயற்பால பல= எல்லாப் பொருள்களையும் துறந்தால் ஒருவர்க்கு இம்மைக்கண்ணே உளவாம் முறைமையையுடைய இன்பங்கள் பல; வேண்டின் உண்டாகத் துறக்க= அவ்வின்பங்களைவேண்டின் அவற்றைக் காலம் பெறத் துறக்க.


உரைவிளக்கம்


அவ்வின்பங்களாவன, அப்பொருள்கள் காரணமாக மனமொழிமெய்கள் அலையாது நிற்றலானும், அவை நன்னெறி்க்கட் சேறலானும் வருவன. இளமைக்கண் துறந்தான் அவற்றை நெடுங்காலம் எய்துமாகலின், 'உண்டாகத் துறக்க' என்றார். 'இன்பங்கள்' என்பதும் 'காலம் என்பதும்' வருவிக்கப்பட்டன. இம்மைக்கண் துன்பங்கள் இலவாதலேயன்றி இன்பங்கள் உளவாதலும் உண்டு என்பதாம்.