குறள் எண் Couplet No | பால் | இயல் | அதிகாரம் Chapter |
0201 | அறம் | இல்லறம் | தீவினை அச்சம் Fear of Evil Deeds |
தீவினையார் அஞ்சார் விழுமியார் அஞ்சுவர் தீவினை யென்னுஞ் செருக்கு தீ வினையார் அஞ்சார் விழுமியார் அஞ்சுவர் தீ வினை என்னும் செருக்கு பரிமேலழகர் உரை (இதன்பொருள்) தீவினை என்னும் செருக்கு= தீவினை என்று சொல்லப்படும் மயக்கத்தை; தீவினையார் அஞ்சார்= முன்செய்த தீவினையுடையார் அஞ்சார்; விழுமியார் அஞ்சுவர்= அஃது இலராகிய சீரியார் அஞ்சுவர். பரிமேலழகர் உரை விளக்கம் 'தீவினையென்னும் செருக்கு' எனக் காரியம் காரணமாக உபசரிக்கப்பட்டது. மேல்தொட்டுச் செய்து கைவந்தமையான் 'அஞ்சார்' என்றும், செய்துஅறியாமையான் 'அஞ்சுவர்' என்றும் கூறினார்.